:ܓܘܕܐ ܕܡܕܒܪܢܘܬܐ
.ܚܽܘܝܳܕܳܐ ܬܺܒܶܝܠܳܝܳܐ ܕܳܐܣܰܘ̈ܳܬܳܐ ܣܽܘܪ̈ܝܳܝܶܐ܆ ܫܽܘܬܳܐܣܰܐ ܗ̄ܘ ܕܰܡܣܰܓܰܠ ܪܽܘܫܡܳܐܝܬ ܒܢܽܘܡܪܳܐ 513657744
ܪܺܝܫܳܢܳܐ: ܦܪܳܘܦܳܣܳܘܪ ܤܛܶܝܦܰܢܳܘܣ ܣܰܔܽܘ
ܪܺܝܫܳܢܳܐ ܒܰܪ ܦܶܚܡܳܐ: ܕܳܘܟܬܳܪ ܦܰܪܺܝܕ ܐܰܣܥܰܕ
ܟܳܬܽܘܒܬܳܐ: ܕܳܘܟܬܳܪ ܣܰܪܰܐ ܨܰܠܺܝܒܰܐ
ܟܳܬܽܘܒܬܳܐ: ܕܳܘܟܬܳܪ ܗܰܠܰܐ ܓܰܘܪܺܝܶܐ
ܓܺܝܙܰܒܪܳܐ: ܕܳܘܟܬܳܪ ܦܽܘܐܰܕ ܪܳܗܶܡ
ܓܺܝܙܰܒܪܳܐ: ܕܳܘܟܬܳܪ ܥܡܢܘܐܝܠ ܓܰܘܪܺܝܶܐ
ܟܳܬܽܘܒܽܘܬܳܐ ܕܠܽܘܡܳܕܳܐ: ܡܰܪܺܝ ܬܶܪܶܣ ܐܰܣܥܰܕ܆ ܢܰܗܪܺܝܢ ܕܽܘܪܰܢ܆ ܡܰܪܺܝܰܐ ܐܶܙܙܳܐ܆ ܥܰܦܺܝܦܶܐ ܣܰܔܽܘ
ܒܺܝܠܕܰܪܳܐ ܐܰܠܰܩܛܪܽܘܢܺܝܩܳܝܳܐ:
:ܢܝܫ̈ܐ
.ܚܽܘܝܳܕܳܐ ܬܺܒܶܝܠܳܝܳܐ ܕܳܐܣܰܘ̈ܳܬܳܐ ܣܽܘܪ̈ܝܳܝܶܐ ܢܺܝܫܳܐ ܣܺܝܡ ܠܶܗ ܠܰܡܫܰܡܳܫܽܘ ܥܰܡܳܐ ܣܽܘܪܝ̣ܳܝ̣ܳܐ ܒܽܐܘܪ̈ܚܳܬܳܐ ܣܰܓܺܝ̈ܐܬܳܐ. ܢܺܝܫܳܐ ܩܰܕܡܳܝܳܐ ܐܺܝܬܰܘܗ̱ܝ ܒܳܪܽܘܝܽܘܬ ܐܶܣܳܪ̈ܶܐ ܒܶܝܬ ܚܰܟܺܝ̈ܡܶܐ (ܐܳܣܰܘ̈ܳܬܳܐ) ܣܽܘܪ̈ܝ̣ܳܝ̣ܶܐ. ܘܗܰܘ ܬܪܰܝܳܢܳܐ܆ ܚܳܐܰܪ ܥܰܠ ܥܽܘܕܪܳܢܳܐ ܕܰܠܡܶܣ̈ܟܺܢܶܐ ܒܽܐܘܪܚܳܐ ܕܙܶܕܩܬܳܐ ܪܽܘܫܡܳܐܝܬ. ܘܢܺܝܫܳܐ ܕܶܝܢ ܐ̱ܚܪܳܝܳܐ ܐܺܝܬܰܘܗ̱ܝ ܝܽܘܬܪܳܢܳܐ ܕܡܶܢ ܝܽܘܠܦܳܢܳܐ܆ ܡܶܠ̈ܟܶܐ ܘܫܽܘܒܳܠܳܐ ܕܰܚ̈ܕܳܕܶܐ܆ ܣܽܘܡܣܳܡܳܐܺܝܬ ܟܺܝܬ ܘܪܽܘܚܳܢܳܐܝܬ.
:ܩܘܛܳܪ ܐܶܣܳܪ̈ܐ
.ܢܺܝܫܳܐ ܕܠܶܗ ܚܳܝܪܺܝܢܰܢ ܐܺܝܬܰܘܗ̱ܝ ܡܦܰܫܩܳܢܽܘܬܳܐ ܕܩܽܘܛܳܪ ܐܶܣܳܪ̈ܶܐ ܒܶܝܬ ܐܳܣܰܘ̈ܳܬܳܐ ܣܽܘܪ̈ܝܳܝܶܐ. ܕܽܘܡܣܳܐ ܩܰܕܡܳܝܳܐ ܐܺܝܬܰܘܗ̱ܝ ܡܟܰܢܫܳܢܽܘܬ ܐܶܣܳܪ̈ܶܐ ܩܛܺܝܪ̈ܶܐ ܕܰܫܟܺܝܚܺܝܢ ܒܥܺܕܬܳܐ܆ ܒܦܰܝܣܒܽܘܟ ܘܰܒܦܳܪܶܣܩܳܠܳܐ. ܘܒܰܝܢܳܬ ܕܽܘܡ̈ܣܶܐ ܕܶܝܢ ܕܢܳܩܦܺܝܢ ܐܺܝܬܰܝܗܽܘܢ ܩܽܘܛܳܪ ܚܰܒܪܽܘܬܳܐ ܥܰܡ ܛܽܘܟܳܣ̈ܶܐ ܐ̱ܚܪ̈ܳܢܶܐ ܕܰܐܝܟ ܓܽܘ̈ܕܰܝ ܐ̱ܢܳܫܳܐ ܕܰܐܣܺܝܪܺܝܢ ܒܥܺܕܬܳܐ܆ ܡܛܰܟܣܳܢܽܘܬ ܝܰܬܒ̈ܶܐ ܐܰܘ ܟܢܽܘ̈ܫܝܶܐ ܛܰܘܪ̈ܳܢܳܝܶܐ ܒܰܐܬܪ̈ܰܘܳܬܐ ܡܫܰܚ̈ܠܦܶܐ.
ܟܽܠ ܐܰܬܪܳܐ ܡܰܨܝܳܐ ܕܢܶܗܘܶܐ ܠܶܗ ܡܰܘܬܒܳܐ ܐܰܬܪܳܢܳܝܳܐ ܕܰܡܕܰܒܪܳܢܽܘܬܳܐ ܕܦܳܠܰܚ ܥܰܡ ܡܰܘܬܒܳܐ ܕܰܡܕܰܒܪܳܢܽܘܬܳܐ ܚܽܘܝܳܕܳܐ ܬܺܒܶܝܠܳܝܳܐ ܕܳܐܣܰܘ̈ܳܬܳܐ ܣܽܘܪ̈ܝܳܝܶܐ ܒܒ̥ܺܝܶܐܢܢܰܐ
:ܐܣܪ̈ܝ ܫܘܬܦܘܬܐ
.ܡܫܰܬܐܣܳܢܽܘܬ ܐܶܣܳܪ̈ܶܐ ܒܶܝܬ ܥܰܡܳܐ ܣܽܘܪܝܳܝܳܐ ܐܰܣܺܝܪܳܐ ܩܰܪܺܝܒܳܐܺܝܬ ܒܢܺܝܫܰܢ ܕܰܩܛܳܪ ܐܶܣܳܪ̈ܶܐ ܥܰܡ ܛܽܘܟܳܣ̈ܶܐ ܐ̱ܢܳܫܳܝ̈ܶܐ ܬܺܒܶܝܠܳܝ̈ܶܐ ܐ̱ܚܪ̈ܳܢܶܐ ܐܰܝܟܰܢܳܐ ܕܢܰ݀ܘܣܶܦ ܬܽܘܟܠܳܢܳܐ ܕܥܰܠ ܫܽܘܬܳܐܣܳܐ܆ ܦܽܘܠܚܳܢܳܐ ܡܫܰܘܬܦܳܐ ܕܥܰܡ ܐܰܚܺܝ̈ܕܰܝ ܫܽܘܠܛܳܢܳܐ ܕܰܡܕܰܒܪܳܢܽܘܬ ܐܰܬܪ̈ܰܘܳܬܳܐ ܘܰܣܢܺܝܩ̈ܘܳܬܳܐ ܣܰܡ̱ܡܳܢܳܝ̈ܳܬܳܐ (ܪ̈ܰܟܳܠܽܘܬܳܢܳܝܳܬܳܐ)܆ܘܰܕܛܽܘܟܳܣ̈ܶܐ ܠܐ ܦܽܘܠܺܝ̈ܛܺܝܩܳܝܶܐ ܕܰܐܝܟ ܩܰܪܺܝܬܰܣ܆ ܘܰܐܚܺܝ̈ܕܰܝ ܫܽܘܠܛܳܢܳܐ ܕܚܽܘܝܳܕܳܐ ܐܰܘܪܽܘܦ̊ܳܝܳܐ܆ ܦܶܪ̈ܥܶܐ ܕܚܽܘܠܡܳܢܳܐ ܕܶܐܡ̈ܘܳܬܳܐ ܡܚܰܝ̈ܕܳܬܳܐ܆ ܛܽܘܟܳܣ̈ܶܐ ܦܢܺܝ̈ܬ̥ܳܢܳܝܶܐ ܕܰܨܠܺܝܒܳܐ ܣܽܘܡܳܩܳܐ ܘܰܟܢܽܘܫܬܳܐ ܕܪܳܬܰܪܺܝ (ܟܢܽܘܫܬܳܐ ܬܺܒܶܝܠܳܝܬܳܐ ܕܫܽܘ̈ܟܳܢܶܐ ܡܳܪ̈ܰܝ ܦܽܘܠ̈ܚܳܢܶܐ ܘܽܐܘܡܳܢ̈ܘܳܬܳܐ). ܦܽܘܠܚܳܢܳܐ ܡܫܰܘܬܦܳܐ ܕܶܐܣܳܪ̈ܶܐ ܕܥܰܡ ܡܰܪ̈ܥܝܳܬܳܐ ܕܥܺܕܬܰܢ ܩܰܕܺܝܫܬܳܐ ܝܳܗܶܒ ܠܰܢ ܦܽܘܪܣܳܐ ܠܡܶܬܚܰܫܳܚܽܘ ܡܟܳܢ̈ܘܳܬܳܐ ܕܺܝܠܗܶܝܢ ܡܶܛܽܠ ܡܰܫܪ̈ܝܳܬܳܐ. ܘܥܰܡ ܗܳܠܶܝܢ ܐܳܦ ܐܳܠܨܳܝܳܐ ܠܡܶܥܒܰܕ ܟܢܽܘܫ̈ܝܶܐ ܝܽܘܠ̈ܦܳܢܳܝܶܐ ܡܶܛܽܠ ܚܦܺܝ̈ܛܘܳܬܳܐ. ܗܳܠܶܝܢ ܚܦܺܝ̈ܛܘܳܬܳܐ ܨܽܘܪܬܳܐ ܫܰܦܺܝܪܬܳܐ ܨܳܝܪ̈ܳܢ ܕܰܟܢܽܘܫ̈ܝܶܐ ܗܳܠܶܝܢ ܝܽܘܠ̈ܦܳܢܳܝܶܐ ܒܶܗ ܒܫܽܘܩܳܐ ܦܢܺܝܬ̥ܳܢܳܝܳܐ.
:ܣܘܡܟܐ
...ܚܽܘܝܳܕܳܐ ܬܺܒܶܝܠܳܝܳܐ ܕܳܐܣܰܘ̈ܳܬܳܐ ܣܽܘܪ̈ܝܳܝܶܐ ܡܩܰܪܶܒ ܣܽܘܡܳܟܳܐ ܠـ
.....ܐܳܣܰܘ̈ܳܬܳܐ܆ ܐܳܣܰܘ̈ܳܬܳܐ ܕܫܶܢ̈ܶܐ ܘܚܰܟܺܝ̈ܡܶܐ ܐ̱ܚܪ̈ܳܢܶܐ ܣܽܘܪ̈ܝܳܝܶܐ
.ܚܽܘܝܳܕܳܐ ܬܺܒܶܝܠܳܝܳܐ ܕܳܐܣ̈ܰܘܳܬܳܐ ܣܽܘܪ̈ܝܳܝܶܐ ܡܥܰܕܰܪ ܒܫܽܘܘܫܳܛ ܣܽܘܥܪ̈ܳܢܶܐ ܕܚܳܒܫܺܝܢ܆ ܬܶܫܡ̈ܫܳܬܳܐ ܐܳܣܝܘܬܢ̈ܝܬܐ܆ ܡܰܠܦܳܢܽܘܬܳܐ ܘܒܽܘܚܳܢܳܐ ܒܝܰܕ ܛܽܘܟܳܣܳܐ ܘܦܽܘܠܚܳܢܳܐ ܡܫܰܘܬܦܳܐ ܒܶܝܬ ܗܰܕܳܡ̈ܶܐ ܘܦܶܪ̈ܥܶܐ ܕܶܐܣܰܪܬܳܐ.
ܡܶܛܽܠ ܕܶܝܢ ܕܚܽܘܝܳܕܳܐ ܬܺܒܶܝܠܳܝܳܐ ܕܳܐܣܰܘ̈ܳܬܳܐ ܣܽܘܪ̈ܝܳܝܶܐ ܢܺܝܫܳܐ ܣܺܝܡ ܠܶܗ ܠܰܡܫܰܘܫܳܛܽܘ ܝܽܘܠܦܳܢܳܐ ܐܳܣܝܽܘܬܳܢܳܝܳܐ܆ ܘܕܺܝܠܳܢܳܐܝܬ ܡܶܛܽܠ ܚܰܟܺܝ̈ܡܶܐ ܣܽܘܪ̈ܝܳܝܶܐ܆ ܥܬܺܝܕܽܘܢ ܕܢܶܬܥܰܕܪܽܘܢ ܒܝܰܕ ܒܽܘܚܳܢܳܐ ܡܶܢ ܦܶܪ̈ܥܶܐ ܐܰܘ ܒܶܝܬܨܰܘ̈ܒܶܐ ܡܫܰܡ̈ܗܶܐ
......ܝܳܠܽܘܦ̈ܶܐ ܣܽܘܪ̈ܝܳܝܶܐ
.ܝܳܗܒܺܝܢܰܢ ܥܽܘܕܪܳܢܳܐ ܠܝܳܠܽܘܦ̈ܶܐ ܣܽܘܪ̈ܝܳܝܶܐ ܒܽܐܘܪ̈ܚܳܬܳܐ ܡܫܰܚ̈ܠܦܳܬܳܐ. ܐܰܝܟ ܡܰܕܪܟܳܢܽܘܬ ܛܽܘܟܳܣܳܐ ܝܽܘܠܦܳܢܳܝܳܐ ܒܳܗ̇ ܒܕܽܘܟܬܳܐ ܒܒܶܝܬܨܰܘ̈ܒܶܐ܆ ܟܳܬܽܘܒܽܘܬ ܐܶܓܪ̈ܳܬܳܐ ܡܓܰܪ̈ܓܳܢܝܳܬܳܐ ܐܰܘ ܒܫܟܳܚܬܳܐ ܕܕܽܘܟܬܳܐ ܡܶܛܽܠ ܦܰܘܫܳܐ
.... ܗܢܘܢ ܕܣܢܝܩܝܢ
.ܚܰܕ ܡܶܢ ܢܺܝܫܰܝ̈ܢ ܪ̈ܺܝܫܳܝܶܐ ܐܺܝܬܰܘܗ̱ܝ ܡܕܰܒܪܳܢܽܘܬ ܥܽܘܕܪܳܢܳܐ ܣܽܘܡܣܳܡܳܝܳܐ ܠܗܳܢܽܘܢ ܕܰܣܢܺܝܩܺܝܢ܆ ܒܡܶܢܗܽܘܢ ܕܒ̈ܳܬܰܝ ܟܪ̈ܺܝܗܶܐ ܕܰܐܣܺܝܪܺܝܢ ܒܥܺܕܬܳܐ ܘܰܒܝܰܕ ܛܽܘܟܳܣ ܡܰܫܪ̈ܝܳܬܳܐ ܐܳܣܝܘܬܢ̈ܝܬܐ ܡܶܛܽܠ ܣܢܺܝܩ̈ܶܐ܆ ܡܚܺܝ̈ܠܶܐ܆ ܘܐ̱ܢܳܫܳܐ ܐ̱ܚܪ̈ܳܢܶܐ ܕܚܳܫܺܝܢ ܡܶܢ ܡܰܚ̈ܘܳܬܳܐ ܚܽܘܠ̈ܡܢܝܬܐ ܡܫܰܚ̈ܠܦܳܬܳܐ ܐܰܝܠܶܝܢ ܕܠܰܝܬ ܠܗܽܘܢ ܡܟܳܢܽܘܬܳܐ ܠܣܽܘܡܣܳܡܳܐ ܡܩܰܒܠܳܐ
ܦܘܢ̈ܝܐ ܡܢ ܡܪ̈ܝ ܐܡܢܐ ܠܫܘ̈ܐܠܐ ܕܣܘܡܣܡܐ
.ܡܩܰܪܒܳܢܽܘܬ ܡܶܠܟܳܐ ܠܰܚ̈ܕܳܕܶܐ ܟܽܠ ܚܰܕ ܡܶܢܰܢ ܒܦܶܪܥܳܐ ܕܺܝܠܶܗ
.ܥܰܡܳܐ ܣܽܘܪܝܳܝܐ ܒܰܙܒܢ ܡܫܰܐܶܠ ܠܳܐܣܰܘ̈ܳܬܳܐ ܫܽܘ̈ܐܴܠܶܐ ܕܰܐܣܺܝܪܺܝܢ ܒܣܽܘܡܣܳܡܳܐ ܠܒܰܪ ܡܶܢ ܦܶܪܥܳܐ ܕܺܝܠܗܽܘܢ܆ ܐܰܝܠܶܝܢ ܕܳܐܣܝܳܐ ܟܒܰܪ ܠܐ ܡܰܨܝܳܐ ܠܶܗ ܠܡܶܬܰܠ ܦܽܘܢܳܝܳܐ ܩܪܺܝܚܳܐ ܥܠܰܝܗܽܘܢ ܥܰܠ ܕܰܠܒܰܪ ܡܶܢ ܐܰܡܢܶܗ ܐܶܢܽܘܢ. ܘܰܒܝܰܕ ܢܰܘܠܐ ܗܳܢܳܐ ܕܩܽܘܛܳܪ ܐܶܣܳܪ̈ܶܐ ܕܳܐܣܰܘ̈ܳܬܳܐ܆ ܕܰܟܒܰܪ ܕܶܝܢ ܕܰܒܟܽܠ ܦܶܪܥܳܐ ܕܺܝܠܳܢܳܝܳܐ܆ ܡܣܰܡ̈ܣܡܳܢܶܐ ܗܳܝܕܶܝܟ ܡܟܳܢܳܐ ܠܗܽܘܢ ܠܰܡܩܰܪܳܒܽܘ ܦܽܘܢܳܝܳܐ ܘܡܶܠܟܳܐ ܡܶܛܽܠܳܬܗܽܘܢ
ܐܰܓܘܢܐ ܡܛܠ ܕܪ̈ܳܫܐ
.ܡܢܰܣܶܝܢܰܢ ܠܰܡܩܰܪܳܒܽܘ ܠܥܰܡܳܐ ܕܺܝܠܰܢ ܦܽܘܪܣܳܐ ܠܡܶܕܪܰܫ ܨܶܒ̈ܘܳܬܳܐ ܐܺܝܬܺܝܩܽܘ̈ܢܳܝܳܬܳܐ܆ ܣܽܘܟܳܠܳܝ̈ܳܬܳܐ܆ ܣܽܘܡܣܳܡ̈ܳܝܳܬܳܐ ܘܪ̈ܽܘܚܳܢܳܝܳܬܳܐ ܕܰܙܢܺܝ̈ܢ ܙܢܺܝ̈ܢ ܐܶܡܰܬܝ ܕܩܳܪܝܳܐ ܣܢܺܝܩܽܘ܆ ܗܳܠܶܝܢ ܕܰܐܣܺܝܪ̈ܳܢ ܒܩܶܛܪ̈ܶܐ ܐܺܝܬܺܝܩܽܘ̈ܢܳܝܶܐ ܕܣܽܘܡܣܳܡܳܐ ܐܰܝܠܶܝܢ ܕܰܠܦܽܘܬ ܗܰܝܡܳܢܽܘܬܰܢ ܡܫܺܝܚܳܝܬܳܐ ܘܳܠܶܝܢ ܠܰܢ ܠܡܶܫܪܳܐ܆ ܘܛܽܘܦܣܳܐ ܠܗܳܠܶܝܢ ܨܒܽܘܬܳܐ ܕܰܡܫܰܠܡܽܘܬ ܚܰܝ̈ܶܐ
ܠܽܘܒܳܛܐ ܬܘܕܝܬܢܝܐ
ܡܰܙܡܽܘܪܳܐ ܡܐ: ܐ ـ ܓ « ܛܽܘܒܰܘܗܝ ܠܡܰܢ ܕܚܳܐܰܪ ܒܡܶܣܟܺܢܳܐ. ܒܝܰܘܡܳܐ ܕܒܺܝܫܬܳܐ ܢܦܰܠܛܺܝܘܗ̱ܝ ܡܳܪܝܳܐ. ܡܳܪܝܳܐ ܢܢܰܛܪܺܝܘܗ̱ܝ ܘܢܰܚܶܝܘܗ̱ܝ ܘܢܰܛܐܶܒ ܠܶܗ ܒܰܐܪܥܳܐ. ܘܠܳܐ ܢܰܫܠܡܺܝܘܗ̱ܝ ܠܰܒܥܶܠܕ̈ܒܳܒܰܘܗ̱ܝ. ܡܳܪܝܳܐ ܢܣܰܡܟܺܝܘܗܝ̱ ܥܰܠ ܥܰܪܣܳܐ ܕܟܺܐܒܰܘ̈ܗ̱ܝ. ܘܟܽܠܶܗ ܡܰܫܟܒܶܗ ܗܦܰܟ ܒܟܽܘܪܗܳܢܶܗ.». ܢܺܝܫܳܐ ܪܺܝܫܳܝܳܐ ܕܰܒܥܳܬ ܚܽܘܝܳܕܳܐ ܬܺܒܶܝܠܳܝܳܐ ܕܳܐܣܰܘ̈ܳܬܳܐ ܣܽܘܪ̈ܝܳܝܶܐ ܐܺܝܬܰܘܗ̱ܝ ܒܥܳܬ ܬܶܫܡܶܫܬܶܗ ܕܡܳܪܰܢ ܒܰܫܒܺܝ̈ܠܶܐ ܡܫܰܚ̈ܠܦܶܐ ܠܦܽܘܬ ܗܽܘܕܳܝܳܐ ܕܝܽܘܠܦܳܢܳܐ ܐܶܘܰܢܓܶܠܳܝܳܐ. ܒܶܐܘܰܢܓܶܠܝܘܢ ܩܰܕܺܝܫܳܐ܆ ܚܳܙܶܝܢܰܢ ܡܳܪܰܢ ܝܶܫܽܘܥ ܡܫܺܝܚܳܐ ܕܫܰܡܶܫ ܣܽܘܥܪ̈ܳܢܶܐ ܡܦܰܬܟ̈ܶܐ ܒܚܰܩܠܳܐ ܕܣܽܘܡܣܳܡܳܐ. ܕܰܟܺܝ ܓܰܪ̈ܒܶܐ܆ ܘܦ̣ܬܚ ܠܣܰܡܝܳܐ ܘܰܒ̣ܪܳܐ ܥܰܝ̈ܢܶܐ ܠܗܳܢܽܘܢ ܕܶܐܬܺܝܠܶܕܘ ܣܡܰܝ̈ܳܐ. ܐܰܣܺܝ ܡܫܰܪܝܳܐ܆ ܘܰܐܚܠܶܡ ܐܶܕܢܶܗ ܕܰܡܫܰܡܫܳܢܳܐ ܕܪ̈ܺܝܫܟܳܗܢܶܐ ܒܳܬܰܪ ܕܦܰܣܩܳܗ̇ ܦܛܪܘܣ ܒܣܰܝܦܶܗ܆ ܘܰܐܩܺܝܡ ܠܠܳܥܳܙܳܪ ܡܶܢ ܒܶܝܬ ܡܺܝ̈ܬܶܐ ܒܳܬܰܪ ܐܰܪܒܥܳܐ ܝܰܘܡ̈ܺܝܢ. ܐܰܣܺܝ ܠܰܐܢ̱ܬܬܳܐ ܕܰܕܡܳܗ̇ ܪܳܕܶܐ ܗ̱ܘܳܐ܆ ܘܰܐܢܺܝܚ ܐ̱ܢܳܫܳܐ ܣܰܓܺܝ̈ܐܐ ܕܺܐܝܬ ܗ̱ܘܰܘ ܠܗܽܘܢ ܕܰܝܘܳܐ. ܘܳܐܦ ܥܦ̣ܩ ܠܰܛܠܳܝ̈ܶܐ ܘܩܰܪܶܒ ܠܗܽܘܢ ܚܽܘܒܳܐ ܘܰܐܪܚܶܩ ܡܶܢܗܽܘܢ ܠܕܶܚܠܬܗܽܘܢ. ܘܰܐܚܠܶܡ ܒܰܪܬܶܗ ܕܝܽܘܐܪܫ ܗܳܝ ܕܶܐܬܩܰܪܒܰܬ ܠܶܗ ܒܟܺܐܒܳܐ ܕܰܣܒ̥ܺܝܪ ܠܰܢ ܕܺܝܕܺܝܥ ܐܰܝܟ ܛܒܳܥܳܐ ܥܰܡܺܝܩܳܐ ܕܠܶܒܳܐ܆ ܐܶܢ ܠܰܘ ܡܰܘܬܐ.